CAGAYAN DE ORO CITY-Giangkon ni City police director Senior Superintendent Nelson Aganon nga iyang gi-relieve sa pwesto si C/Insp Allan Curato isip hepe sa Agora police station tungod sa pagkalambigit sa droga sa iyang sakop nga si PO2 Buenaventura Reyes Jr.
Matud ni Aganon nga maayo ang performance ni Curato apan isip opisyal kinahanglan usab nga mahimo siyang sensitibo sa lihok sa iyang mga tawo.
Si Curato ang gihulipan ni Senior Inspector Dennis Quindara.
Nagbahad usab si Aganon nga dugang mga station commanders pa ang iyang i-relieve sa pwesto.
Kini kun ugaling dili maayo ang resulta sa ilang performance ubos sa ilang area of responsibility.
Si Aganon miingon iya unang obserbahan ang mga station commanders ilabina ang paghawid sa mga kaso.
Dugang pa niini nga dili siya magduha-duha sa paglangkat sa pwesto sa mga opisyal nga magpasagad sa ilang trabaho.
