Giyukbuan sa Filipino Community nga gilangkoban sa mga Filipino Migrants ug Overseas Filipino Workers (OFW) ang usa ka pinay domestic worker nga miluwas sa tolo ka bulan nga bata samtang nagdilaab ang ilang unit sulod sa nasunog nga highrise building sa Hongkong, sa miaging semana.
Namahayag ang amo sa biktima nga si Rhoda Lynn Dayo nga ang iyang katabang nga si Rhodora Alcaraz, 28 anyos, dalaga, usa ka bayani alang kanila.
Si Dayo miingon nga daku ang ilang utang ka bubut-on sa ilang yaya human gisugal ang iyang kinabuhi sa hitabo.
Sa pagkakaron stable na ang kahimtang sa nasampit nga OFW, human kini gisulod sa ICU, tungod sa smoke inhilation, sa mailabay’ng adlaw.
