CAGAYAN DE ORO CITY, Philippines – Hagatan sa engrande nga Heros Welcome sa Pilipinas sila 2 time Olympic Gold Medalist Carlos Yulo, Bronze Medalist Aira Villegas ug ang tibook RP-Olympic Team nga misalmot sa 2024 Paris Olympics, didto sa France.
Sa Agosto 13 gitakdang mulanding sa Villamor Air Base ang team.
Namahayag ang Presidential Communications Office nga tabuon sa ilang mga pamilya ang mga atleta sa Pilipinas ug hatagan sa heroes parade.
Magsugod ang convoy sa parada sa Philippine International Convention Center (PICC) sa Pasay City, ug mulibot kini sa Manila, ayha mu-abante sa Malakanyang alang sa ilang pagcourtesy call kang Presidente Bongbong Marcos.
Sa susamang adlaw, gilauman nga madawat sa mga mananaug nga atleta ang ilang cash incentives, segun sa nakalatid sa Republic Act 10699 o mas naila isip National Athletes and Coaches Benefits and Incentives Act.
Ang Olympic gold medalists gitakdang mudawat sa P10 million gikan sa Philippine Sports Commission.
Ang Silver medalists mudawat sa P5 million, samtang ang bronze medalists dunay P2 million.
Kahinumduman nga mismo si Presidente Marcos ang namahayag nga iyang personal nga hinabion si Yulo aron mangayog rekomendasyon kung unsa pa ang matabang sa gobyerno aron musaka ang ihap sa medalya sa Pilipinas alang sa sunod Olympics.
