CAGAYAN DE ORO CITY – Nagbaton sa business permit ug naka-renew na alang ning tuiga ang kompanyang Hexaprime nga operator sa mga padula sa Small Town Lottery o STL sa syudad.
Kini sukwahi sa pahayag ni Konsehal Roger Abaday,chairman sa komitiba sa games and amusement sa konseho nga walay permit ang maong kompanya sa ilang pagsulod sa dakbayan.
Namahayag si Hexaprime legal counsel Atty. Denbert John Barsaga nga dili na unta sila angay mokuha niini kay ubos sila sa kontrol sa PCSO apan gihimo nila kini aron sa pagsunod sa balaod sa dakbayan.
Subay sa ilang pahayag sila ang gihataga’g pagtugot sa PCSO nga makahimo’g mga legal nga padula sa STL sa syudad ug lalawigan.
Hisayrang una nang namulong si Abaday nga angayang moagi sila sa konseho aron mahatagan sa pagtugot ug mokuha usab sa permits alang sa ilang operasyon.
