CAGAYAN DE ORO CITY, Philippines – 55 ka mga missile ang gipalupad sa Hezbollah groups human atakehan sa Israeli Defense Force ang Wadi al-Kafur, Nabatieh City, Southern Lebananon. Dili pa ma kompirmar kung pila ang patay ug samaran sa mga sundalo nga gipadala ni Israeli Prime Minister Benjamine Netanyahu.
Nahitabo ang retaliatory attack human unang gibombahan sa IDF ang residential building sa maong lugar nga gikamatay sa 10 ka tawo, lakip ang duha ka bata. Laing lima ang reported nga samaran nga padayong gitambalan sa heikh Ragheb Hospital.
Agig pamatuod, gipagawas sa Lebanese National News Agency ang video coverage sa pamilyang namatayan ug nasuta nga pulos mga Syrian Refugees nga nanarbaho sulod sa gi-atake nga factory ang nakalas.
Una niini, gisupak sa IDF ang report sa Lebanon’s Health Ministry, tungod kay ‘weapons depot’ ang ilang gi-target ug dili nga sibilyan.
Hisayran nga unang nasugdan ang gubat sa IDF ug Hezbollah tuif 2006, kundiin sulod ning tuiga, ang crossboder attacks sa duha ka panig nagresulta sa 580 ka Hezbollah Fighters ang patay, lakip na ang 128 ka mga sibilyan.
