CAGAYAN DE ORO CITY -Mag-atubang sa kasong pagpatay ang 40 anyos nga lalaki nga gitudlong suspek paghunos-kinabuhi sa kainom niini sa lungsod sa Claveria,Misamis Oriental.
Giila ang ni Claveria Polie Station commander Police Captain Rodel Labadan ang biktima sa kremin nga si Bobby Dayata Lobitania, 44 anyos nga taga-Sitio Bangon-Bangon,Barangay Patrocinio sa maong lungsod.
Sa inisiyal nga imbestigasyon sa Claveria PNP nga unang nagkainom ang biktima ug ang suspek nga si Lyndon Sagantai Sagmao ayha natigayon ang ngilngig nga kremin.
Kini tungod kay gawas nga gidunggab sa suspek ang biktima,gigulgol pa niini ang li-og hinungdan sa pagkahunusi sa kinabuhi.
Pasiunang pakisusi sa kapolisan nga ang gibating grabeng pagdunot sa suspek ngadto sa biktima ang nagtukmod aron matigayon ang ngilngig nga hitabo.
Gihan-ay na ang tukmang kasong-kriminal nga ipasaka sa kapolisan sa piskalya batok sa suspek.
