CAGAYAN DE ORO CITY – Napiang pa ang kalihukang insurhensiya sa Communist Terrorist Group/CTG epekto sa pagtahan sa laing mga sakop niini nga naglihok sa bukiran sa Bukidnon ug Misamis Oriental.
Gisulti ni 4ID spokesperson Major Joe Patrick Martinez nga bitbit sa pagtahan sa mga nagpailang mga sakop sa CTG ang tag-as nga kalibre sa armas epekto sa gipalig-on nga seguridad ug promosyon sa kalinaw sa maong mga probinsya.
Partikular mitahan ang tulo sa mga rebelde sa tropa ni 8th IB commander Lt Col Marc Bien Stevens Deslate inabagan sa puwersa usab ni 1st Special Forces Batallion commander Lt Col Emilio Bautista sa miaging semana.
Kabahin sa gitugya’g balik sa mga misalikway nsa kalihukang armado ng tag-duha ka M-16 rifles ug M653 carbines nga gipanglubong sa Sitio Buso, Población,Cabanglasan.
Nahabwa usab ang laing M79 grenade launcher nga anaay upat ka high explosive ammunitions nga sekretong gilubong sa Mt Talahiran,Brgy Caburacanan,Malaybalay City.
Dugtong niini,giaghat ni 4ID commander Major General Michelle Anayron Jr ang ubang mga rebelde nga magpadali na sa pagpangita’g paagi makabiya sa ilang gisudlan nga kalihukan samtang may igo pang higayon nga sila makabalik aron ikauban ang ilang mga pamilya.
Hisayrang sulod sa Northern Mindanao region, wala na’y naglihok nga guerilla front sa mga rebelde kay giingong nahurot na’g kabungkag sa militar. (Photos: 4ID,PA)
