CAGAYAN DE ORO CITY – Nadiskorahe hinungdang gitalikdan na sa top ranking offcial sa Sub-Regional Committee 2 ng North Central Mindanao Regional Committee sa Communisty Party of the Philippines -New People’s Army o CPP-NPA nga 19 ka tuig nakigbatok sa gobierno sa Bukidnon.
Kini ang pagsaysay sa 48 anyos nga si Randy Bayot alyas Ka Gov nga taga-Barangay Butong sa Quezon,Bukidnon atubangan sa media dihang gi-presentar sila sulod sa headquarters sa 403rd IB,Philippine Army sa Malaybalay City ning semana lamang.
Namahayag si Bayot nga nakasinati na sa ‘ideological problem’ ang gisudlan niya nga grupo rason nga gisibog na niini ang iyang kaikag kontrahon pa ang kagamhanan.
Miingon si Ka Gov nga anaa sa iyang dugo kadasig ug kaisog sa pakig-asdang apan wala na siya makasabot sa gisunod pa niya nga idiyolohiya sa sulod ug nagkainipis pag-ayo ang suporta gikan sa gawas sa kalihukan hinungdang nakahukom pag-surender sa militar.
Siya miingon nga gusto na niya mopahulay sa pakigbisog kay sa 55 ka tuig nga paglawig sa CPP-NPA,wala pa’y klaro nga kadaugan ang nakuha ug paspas ang pagkanaug sa uban nila nga mga kaubanan sa kalihukan.
Si Bayot ang kuyog sa iyang lima ka solido nga kaabag sa kalihukan ang mikanaug sa bukid bitbit ang tag-as nga mga kalibre sa armas ngadto sa militar sulod lang ning bulana.
Siya ang ikaduha nga ikaduhang CPP-NPA top commander nga misalikway sa kalihukan sulod sa Bukidnon kay una nang mikanaug kaniadto si Armando Daluniag alyas “Ambo” kinsa nagsilbing kumander sa Headquarters Force Neo ubos sa North Central Mindanao Regional Committee ug kanhi deputy secretary of Guerilla Front 89 sa tuig 2021.
