CAGAYAN DE ORO CITY-Gikonsiderar nga high value target ang bag-uhay pa lamang nga nadakpang tigpayuhot sa shabu didto sa Malaybalay City Bukidnon.
Mismo ang mga operatiba sa Malaybalay City Drug Enforcement Unit ubos sa pagpangulo ni Ins Patrick Castro ang milusad sa drug buy bust batok sa suspek nga nailang si Antonio Colasito.
High grade nga klase sa shabu ang napalit sa suspek human kini nagbalor sa P500.
Atol sa pagkapkap kaniya, laing gamay’ng pakete sa gitoohang shabu ang nakuha.
Hinoon, gihimakak sa M-DEU ang report nga misukol ug armado ang notadong drug pusher.
Balhog na ang suspek ug ning adlawa iyang atubangon ang kasong pagpayuhot sa korte sa syudad sa Malaybalay.
