CAGAYAN DE ORO CITY-Nasikop ang giila nga high value target atol sa buy bust operation sulod sa Unitop Supermarket, Brgy Carmen ning syudad.
Giila ni SPO2 Norman Gajiton sa Lumbia Police Station ang suspek nga si John Saro aka “Retchel”, lumad nga taga Brgy Tubod, Iligan City.
Napalitan ang suspek sa usa ka sako sa shabu nga nagkatidad sa P1000. Atol sa pagsikop kaniya, dugang nakompiskar ang upat ka dagkong sako sa shabu ug walo ka klase sa managlahing gimbug-aton sa naka-pakete nga droga.
Motala sa sa 35 gramos diin nagbalor sa P210-mil ang street value sa druga nga nakuha sa posisyon sa suspek.
Una niini,gipanghimakak ni Saro nga kini nalambigit sa pagbaligya’g droga apan iyang giangkon nga tiggamitan siya sa shabu.
