Paslak na sa prisohan ang most wanted nga suspek sa Eastern Samar ug giingong high-ranking nga miyembro sa Communist Terrorist Group (CTG).
Nadakpan ang suspek sa gikasa nga operasyon sa Police District, Provincial Intelligence Unit sa Eastern Samar Police Provincial Office, ug Giporlos Municipal Police Station sa Bagong Silang, Caloocan City, kagahapon.
Adunay duha ka standing warrant of arrest ang suspek alang sa kaso sa pagpatay sukad pa niadtong 2008 ug direct assault with attempted murder niadtong 2021.
Nasayran usab nga nalambigit siya sa mga kaso sa attempted direct assault ug frustrated murder.
Giila ang suspetsado isip Squad Leader sa usa ka armado nga yunit sa CTG front committee.
