CAGAYAN DE ORO CITY-Dugang ihap na usab sa kaso sa hikog ang natala sa Misamis Oriental kagabii.
Giila ang pinakabag-ong biktima nga si Junel Tadeo Litanon, 31-anyos ug molopyo sa Zone 2 Mohon, Tagoloan, Misamis Oriental.
Gibutyag ni Tagoloan Minucipal Police Station Investigator PSSgt. Gerald Cabactulan nga naghikog si Litaon gamit ang pisi nga gihikot sa iyang liug.
Nakita na lamang ang biktima nga nagbitay sulod sa ilang kwarto sa maong dapit.
Dali pang gidala sa balay tambalanan ang biktima apan gideklara sa mga doktor nga dead on arrival.
