CAGAYAN DE ORO CITY-Kasuhan sa pagbaton sa ilegal nga armas ug mga eksplosibo ang kanhi brgy kapitan ug iyang bayaw sa piskalya sa syudad ning adlawa.
Kini human masikop sa hiniusang operasyon sa CIDG-Misamis Oriental ug ubang PNP units dihang gisilbi ang duha ka search warrants batok kanhi Aplaya Brgy Kap Rizaldy Maghanoy ug Rolly Cahayag sa lungsod sa Jasaan,Misamis Oriental.
Gibutyag ni CIDG-Misamis Oriental commander C/Insp Bryan Panganiban nga gisikop ang duruha subay sa nakuha nga mga armas sa magkalahi nga pagsilbi sa search warrants kagahapon sa kadlawon.
Una niini,gimando ni RTC Branch 25 Presiding Judge Arthur Abudiente ang pagkompiskar sa mga suspek nga gilakipan sa caliber 45 pistols;sub-machine gun;grenade launchers;mga bala ug ubang kagamitan paghimo’g mga armas.
Nasayran nga gahimo’g mga armas si Cahayag diin na-rekober ang pipila sa mga ebendensiya sa pagraid sa kapolisan sa maong lugar.
