CAGAYAN DE ORO CITY – Tak-upan sa syudad ang usa semana nga Himugso Festivities ning adlaw.
Alayon sa selebrasyon sa City Charter Day diin nagpasalamat si Aileen San Juan, chairman sa Himugso Festivities sa tanan katawhan nga milantaw sa tulo ka mga museum sa mga syudad nga gilangkuban sa XU Museum, The City Museum ug ang Capitol University Museum.
Namahayag si San Juan nga gipaningkamutan nila nga makita sa publiko ang malambuon nga kultura sa Cagayan de Oro City subay sa kasaysayan.
Hinoon, sulod sa usa ka semana nga kalihukan sa Himugso kuyog ang COHARA kon Cagayan De Oro Hotel And Restaurant Association walay natalang kakulian.
