Mi-awhag ang mga transport group nga paspason ang paghatag sa fuel subsidy ngadto sa mga driver ug operators tungod sa padayon nga pagsaka sa presyo sa petrolyo.
Sa interbyu sa Bombo Radyo, giingon ni UNIDA President Joel Gabatan nga nagpadayon ang ilang panaghisgot ug konsultasyon sa mga miyembro sa transport sector kabahin sa kahimtang sa fuel subsidy ug kung kanus-a kini ipatuman kon moabot na sa gikatakdang lebel ang presyo sa petrolyo.
Matud niya nga daghang driver ang nag-antos na sa taas nga presyo sa gasolina ug diesel nga nakaapekto sa ilang adlaw-adlaw nga kita ug panginabuhian.
Busa naglaum si Gabatan nga mapaspasan sa gobyerno ang proseso sa paghatag sa fuel subsidy aron makatabang sa pagpagaan sa gasto sa mga driver sa pampublikong transportasyon. (by James Oliver)
