Giawhag ni Stella Ferrarez, RPM, usa ka iladong mental health advocate, ang katawhan sa Cagayan de Oro nga mag-andam alang sa umaabot nga rehabilitasyon sa Cagayan de Oro Water District (COWD) facilities sugod Marso 17 hangtod 20, diin posibleng hinay o walay agas sa pipila ka lugar.
Matod niya, ang kakulang sa tubig makahatag og stress ug anxiety kung dili magplano ang mga konsumante.
Giawhag niya ang tanan nga i-conditioning ang hunahuna ug planohon ang paggamit sa tubig, sama sa pagtipig og igo nga supply ug pag-adjust sa adlaw-adlaw nga kalihokan.
Gipasiugda ni Ferrarez nga ang pagtinabangay sa komunidad ug maayong plano makapugong sa kalit nga tensyon ug makapadayon sa mental well-being sa tanan. (By James Oliver)
