Nabalaka pag-ayo si Jalilah Hadji Sapiin gikan sa Marawi Reconstruction Conflict Watch tungod kay daghan pa gihapon og mga bakwit ang wala pa hingpit nga makabalik sa ilang mga pinuy-anan, siyam ka tuig human ang siege sa Marawi.
Gipasabot niya nga tungod sa hinay nga dagan sa rehabilitasyon sa main affected area, nagpabilin ang mga biktima sa mga temporary shelter nga dili na angayan puy-an sa ingon ka dugay nga panahon.
Hinuon, giklaro ni Sapiin nga ang rehabilitasyon dili lang kinahanglan nga motan-aw sa pagtukod og mga edipisyo, kundili angay usab nga tagaan og prayoridad ang pagpasig-uli sa kinabuhi ug hustisya alang sa mga biktima sa gubat.
Busa, gilusad nila ang panawagan ngadto sa mga hingtungdan nga ahensya sa gobyerno nga unta paspasan na ang proseso ug paminawon ang tingog sa mga apektadong katawhan.
Subay niini, gipunting ni Sapiin nga ang pag-uli sa katungod sa yuta ug panimalay sa mga Maranaos nagpabilin nga usa ka dakong hagit nga kinahanglang sulbaron dayon.
