CAGAYAN DE ORO CITY – Natumbok na sa kapolisan ang armadong grupo nga nagsilbing ‘hired killers’ nga mipusil-patay sa jeepney driver nga unang dunay gikalalis nga motorista sakay sa pribadong sakyanan diha sa Divisoria ning syudad.
Gibutyag ni Carmen Police Station commander Maj Erickson Sabanal nga gitiwas na lamang nila ang dugang imbestigasyon aron makasuhan na ang mga suspek nga mipusil kang Cecelio Baang Jr pag-abot niini sa Brgy Bonbon sa miaging semana.
Gikompirmar niini nga tampered plate number ang nakadikit sa sakyanan nga gigamit sa mga suspetsado.
