CAGAYAN DE ORO CITY – Hangyoon sa city government pinaagi sa city council ang organizers sa napornadang Higalaay Night Market nga ibalik ang ilang tinguha nga maglusad niini sa Rio de Oro Boulevard ning syudad.
Kini ang nauyunan nila ni commitee on trade and commerce/committee on ways and means chairman Kag. George Goking,mga sakopp sa konseho ug executive branch repesentatives atol sa pagdungog sa maong isyu sa konseho kagahapong adlawa.
Miingo si Goking nga nagbaton sa grabeng backlash ang organizers kay dunay ‘miscommunication’ sa mga lambigit nga partidos rason nadako ang maong isyu pag-abot sa mainstream ug social media.
Namahayag ang konsehal nga tungod kay natin-aw na ang tanan,hangyoon nila ang maong mga negosyante nga ipadayon ang maayong tinguha nga dugang pagpabibo sa kapistahan sa syudad sa patron Senior San Agustin sa Agosto ning tuiga.
Una niini,mipasabot usab si Oro Trade and Investments Promotions Center (Oro-TIPC) chief John Asuncion kang Goking nga daghan na ang makarga sa 50-mil pesos nga rental fee nga singlot sa organizers.
Kini tungod kay gamiton sa pagbayad sa suplay sa koryente,paghatag seguridad,pagbaton sa portalets ug uban pang serbisyo kay walay ilugwa nga pondo ang city govt niini.
Siya miingon nga maayo ang tuyo sa night market kay ubanan usab kini sa major sellers nga gikan sa Davao City,Cebu City ug mismong taga-dinhi sa dakbayan.
Una nang naghukom ang organizers nga iatras na nila ang ilang interes ning bulana apan sa Disyembre 2024 kay aron taas ang ilang preparasyon ug mapasabot pag-ayo sa katawhan ilabina kadtong nanghinaway nga kulang sa kaalam.
