Tapukon ni Konsehal Edgar Cabanlas, Chairperson sa Committee on City Economic Enterprises and Development (CEED) ang naglangkob sa City Economic Enterprises and Business Development, Administration (CEEBDA), National Food Authority (NFA) ug City Price Coordinating Council aron tuki-on ang alegasyon batok rice-hoading sa kamerkaduhan, ning syudad.
Gitin-aw ni Cabanlas sa BOMBO RADYO nga nagpabiling tsismis ang isyu hangtud sa kini mapamatud-an pinaagi sa iyang pakigdayalogo sa gipatawag nga grupo.
Si Cabanlas, miingon nga daku ang silot sa mga negosyante nga mapamatud-ang sad-an sa pagpanago sa bugas kay mahimo silang pasak-an sa economic sabottage.
Nagtoo si Cabanlas nga kung adunay paglihok sa presyo sa bugas tungod sa kakulangon posibleng mu-abante ang iyang komite sa pag-imbestigar niini, ilabe na nga talagsaon kini nga hitabo panahon sa holiday season.
