CAGAYAN DE ORO CITY, Philippines -Laraw sa senado nga mupasar sa resolusyon nga pahamtangan sa mas bug-at nga silot ang mga tawong holder sa peke nga Person With Disability ID Cards.
Kagahapon, gipamatud-an sa daghang resturant owners ang pagkuyanap sa peke nga PWD Cards aron makakuhag 20% diskwento sa ilang balayrunon sa gikonsumo nga mga produkto o serbisyo sa usa ka patigayon.
Gipamatud-an ni Senador Wyn Gatchalian, chairman sa Senate Senate committee on ways and means, nga duna siyay kaila nga PWD ID holder nga sobra ka palahubog ug tipik kini sa 8 million PWDs card holder sa Pilipinas.
Gisupak kini ni Eric Teng, presidente sa Restaurant Owners of the Philippines (Resto PH) human ilang gibana-bana nga sobra pa sa 9milyon ang card holder sa PWD tungod sa pagkuyanap sa peke nga mga IDs.
Usa sa gihimong pananglitan ni Teng ang mga piloto nga naghawid sa Visually Impaired OWD ID, ug mga magtiayon nga naghawid sa ‘conjugal disability’.
Namugos si Teng nga lugi ang ilang mga patigayon kung dili masanta sa gobyerno ang pagsirkular sa mga peke nga PDW IDs. Gani sa tuig 2023, nawala sa ilang indusriya ang 16 Billion pesos nga kinitaan tungod kay lapad sa ilang konsumate naghawid na sa PWD Card.
Hisayran nga kung mapamatud-ang migamit sa peke ng PWD ang usa ka kostumer mahimo kining kasuhan sa paglapas sa Republic Act 10754 o mas naila isip “Magna Carta for Disabled Persons” ug ipabayad sa monetary fine nga dili muminos sa One hundred thousand pesos (P100,000.00) ug dili mulapas sa Two hundred thousand pesos (P200,000.00).
Gawas sa ipabayad nga salapi, mapriso sulod sa duha hangtud sa unom ka tuig ang tawong nameke sa iyang PWD ID.
Ang National Council on Disability Affairs (NCDA), usa ka attached Agency sa DSWD ang ga-isyu sa PWDs Cards, ug sila usab ang manubag sa pagkuyanap sa peke nga mga identification cards.
