CAGAYAN DE ORO CITY-Nahulipan sa kasubo ang kalipay nga gibati sa magtiayong Haberto sa pagsilbi unta nga honor pupil sa anak babaye niini sa Linangohan Elementary School,Brgy Tablon sa syudad.
Kini human nalumos-patay ang biktima nga si Lyra Claire Haberto,10 anyos ug naluwas ang 9 anyos nga igsoong lalaki niini samtang nangalibo sa suba sa Sitio Tabuknay sa maong lugar.
Miingon ang inahan sa biktima nga si Neire Haberto nga mismo ang kapikas sa bayaw lalaki niini ang midala sa
iyang duha ka anak sakay sa baroto aron mangaligo kagahapon sa hapon.
Apan sa pagpanguli na nila,ulahi nila nabantayan nawala si Lyra Claire hinungdang kini ilang gipangita.
Nadala pa sa pribadong ospital apan wala na’y kinabuhi nga nahiling sa mga doktor.
Una usab niini,nalumos patay gihapon ang 12 anyos nga si Jomar Labininay sa pagkaligo’g suba sa quarry site sa
Bigaan River sa Brgy Gusa sa syudad kagahapong adlawa.
