CAGAYAN DE ORO CITY-Halaran sa pag-ampo sa mga imam ug ubang relihiyosong lideres ang kapin libo ka tawo nga kabahin sa namatay sa pag-atake sa teroristang Maute-ISIS sa Marawi City takdo usa ka tuig ning adlawa.
Kini nunot sa pagdumdom sa mga sakripisyo ilabina sa kasundaluhan ug kapolisan nga mibuhis sa ilang kinabuhi mapugngan lamang ang pag-ilog sa mga terorista sa city hall sa maong syudad.
Miingon si Joint Task Force Bangon Marawi Assistant Secretary Felix Castro nga ubay-ubay’ng mga kalihukan ang salmutan usab sa mga ahensiya sa gobierno alayon sa pagdumdom sa hitabo ning
adlawa.
Hinoon,dili klaro kon makatambong si Pres Rodrigo Duterte sa pipila sa mga kalihukan kinsa maoy nangusog nga ipaubos sa martial law ang Mindanao gumikan sa hitabo sa Marawi City.
Dumduman usab nga bugtong Bombo Radyo lamang sa mga sibyahan gikan sa rehiyon,ang milahutay sugod sa kagubot ug hangtod nga subli nagawasnon batok sa mga terorista ang Marawi City.
