CAGAYAN DE ORO CITY – Gi-ambush-patay sa wala mailang mga suspetsado ang medical director samtang sakay sa iyang kaugalingong sakyanan diha sa 12th-29th Streets,Brgy Nazareth ning syudad kaganihang buntag.
Miingon si Nazareth Police Station deputy commander Lt Mirasol Capiña nga giila ang biktima nga si Dr Raul Winston Andutan,hingkod ang panuigon,minyo ug nagpuyo sa Brgy Macasandig ug medical director sa Maria Reyna Hospital-Xavier University Hospital.
Gibutyag ni Capiña nga nakaangkon sa tulo ka igo pinusilan ang biktima gamit ang kalibre 45 sa iyang liog ug ubang bahin sa lawas hinungdan sa kamatayon niini.
Gitumbok sa mga otoridad nga motorcycle in tandem suspects ang mihimo sa pagpatay sa biktima kinsa nadala pa sa mismong Maria Reyna Hospital apan wala na matabang pa sa mga kaubang doktor nga miatiman kaniya.
Wala pa’y masulti ang PNP nga motibo sa maong kremin.
