Nagmalampuson ang gipahigayon nga National Executive Board Meeting sa League of Cities of the Philippines diin ang dakbayan sa Cagayan de Oro ang nagsilbing host sa maong dako nga panagtipon sa mga mayor sa nasud.
Gipadayag ni City Information Office Information Officer Jade Adeser nga miabot sa 27 ka mga mayor ang mitambong sa maong tigum samtang ang uban nagpadala og opisyal nga representante.
Gumikan niini, gihisgotan sa maong katiguman ang mga solusyon sa problema sa matag dakbayan ug ang paghatag og suporta gikan sa panggamhanan nasyonal.
Samtang, nagpabilin nga bukas ang dakbayan sa pagpaambit ug pagkuha og maayong pamaagi gikan sa ubang lokal nga gobyerno aron mas mapalambo pa ang paghatag og serbisyo sa publiko.
