CAGAYAN DE ORO CITY-Kasuhan sa Bureau of Customs o BoC ang mga tawo nga nagpalusot sa imported luxurious vehicles nga gipasulod sa Pilipinas gikan sa United Arab Emirates o UAE.
Kini human nadiskobre nga gitinguha ipalusot sa consignee nga gikan China ang upat ka container vans karga ang 2012 Lamborghini Gallardo;2006 Lamborghini Murcielago ug 2005 model Ferrari F430.
Matud ni BoC Commissioner Isidro Lapeña nakasulod sa Manila International Container Terminal ang mga kontrabando sa tuig 2016 ug ning tuiga.
Gipatoo usab sa consignee nga personal effects ang sulod sa mga container apan nasuta sa X-ray nga mahalong mga sakyanan ang sulod niini.
Gani,gibutyag usab ni Lapeña nga naka- consign ang Ferrari sa usa ka residente nga nagpuyo dinhi sa syudad.
Anaa sa dul-ag 25 milyon pesos ang estimated value sa maong na embargo nga mga sakyanan.
Samtang ipasubasta sa Bureau of Customs o BoC sa publiko ang nakompiskar nila nga imported luxurious cars nga tinguha ipalusot pasulod dinhi sa syudad.
Kini human unang naharang ug gi-abandonar sa nagsilbing tag-iya sa duha ka Lamborghini ug Ferrari vehicles gikan United Arab Emirates pag-abot sa MICT sa kauluhan.
Miingon si Manila International Container Terminal o MICT officer-in-charge Atty Ruby Alameda nga kasamtangang gipaubos sa customs proceedings ang maong mga kontrabando sa kauluhan.
Namahayag si Alameda nga sa dili madugay ipaubos sa public auction ang minilyong balor sa mga salakyan nga narekober nila gikan sa upat ka container vans sa MICT.
