Wala pa gani makalugwa sa hukom ang mga mahistrado sa Korte Suprema sa petisyon nga ipasugod na ang Senado pagdungog sa impeachment proceedings batok Vice Pres Sara Duterte,napun-an pa ang nagdason sa ilang petisyon.
Kini aron hangyo ang korte nga mopagawas sa hukom nga wad-an sa bili ang impeachment complaint nga gipasaka sa Kamarabaha batok VP Sara sa senado.
Gitahasan ni VP Sara sa pagsang-at sa maong petisyon ang Fortun-Narvasa- Salazar Law offices.
Gikompirmar usab sa korte nga nadawat nila ang petisyon gikan sa kampo sa bise-presidente.
Dumduman nga upat ka mga abogado usab gikan sa Mindanao pagpangulo ni Atty. Israelito Torreon ang misang-at sa hangyo nga lugwaan sa temporary restratining order ug injunction ang impeachment complaint batok Inday Sara aron wad-a’g importansya.
Namugos ang petitioners nga depektoso,kuwestiyonable ug dili angay usika’g panahon sa senado nga dunggon ang mani-obra sa mga kongresista sa kamarabaha.
Sa panig usab sa kamarabaha,namahayag kini nga nagsilbing nang ‘moot and academic’ ang reklamo kay hawid na kini sa senado.
