Type / to choose a Gipadayag ni Rev. Msgr. Eutiquiano Legitimas, PC, chairman sa board of directors sa House of Hope Foundation, nga padayon gihapon ang ilang serbisyo bisan pa sa kakulang sa hapsay nga pasilidad.
Sumala ni Msgr. Legitimas sa iyang interbyu sa Bombo Radyo, mibalik na ang operasyon sa foundation human sa pipila ka tuig nga paghunong sa suporta gikan sa city government.
Apan nakit-an nila nga ang building nagkinahanglan og dako nga rehabilitasyon.Iyang giingon nga karon adunay walo ka nurses ug duha ka psychiatrists ang pasilidad, dugang pa sa mga psychologists ug occupational therapists nga nagserbisyo sa mga pasyente.
Bisan pa niini, nag-atubang sila og hagit tungod sa daghang pasyente nga naghulat samtang limitado ang kapasidad sa pasilidad nga naka-accommodate na og kapin 50 ka pasyente.
Dugang pa niya, nagpadayon ang ilang pagpangayo og suporta aron mapauswag ang building, lakip na ang isolation hall ug waiting area nga hinungdanon sa operasyon.
Sumala kaniya, dako na ang nahimo nga pag-ayo sa pasilidad apan nagpadayon pa ang ilang paningkamot aron mapalig-on ang tanang pasilidad ug matuman ang permit requirements sa foundation.block
