CAGAYAN DE ORO CITY – Gisaway ni IBP-Misamis Oriental board of director Atty. Rhobert Maestre ang mga magbabalaod nga naghingusog malangkat sa katungdanan si Vice Pres Sara Duterte pinaagi sa impeachment sa kamarabaha.
Kini human miani sa panaglalis tali sa mga kongresista ug mga senador ang pipila ka ‘legal technicalities’ sa giatubang nga reklamo ni VP Sara sa senado.
Miingon si Maestre nga pila na ka impeachment complaints ang miagi sa mga kamot sa mga magbabalaod apan tataw nga wala sila’y konkretong gihimo aron magbaton na sa hapsay nga gabayan niini.
Dumduman nga gi-presyur sa kamara nga pa-aksyonan na sa senado ang reklamo apan nagdumili usab ang mga senador nga sila diktahan lamang sa mga kongresista nga ulahi nagsubmitar sa impeachment complaint ning bulana.
Hisayrang nakadawat sa grabeng pagbatikos ang mga kongresista sa ilang walay pag-konsulta sa sa katawhan sa gi-representahan nila nga distrito sa pag-endorso sa 4th impeachment complaint batok VP Sara sa senado.
