CAGAYAN DE ORO CITY – Gikinahanglan ang mga paglusad sa mga imbestigasyon kabahin sa mga dagkong isyu aron mahimua’g mga balaod ug may magukod na kon masubli ang paghimo o pagbuhat niini.
Kini ang pagpasabot sa kanhi kongresista sa Misamis Oriental 1st District ug former City Mayor Oscar Moreno kon nganong mogahin sa dakong panahon ug pondo ang kongreso paglusad sa mga imbestigasyon susama sa isyu sa Philippine Offshore Gaming Operatioions o POGO,extra judicial killings ug uban pa.
Miingon si Moreno nga oversight function kini sa kamara ug senado nga dayag gitugot sa balaod.
Apan giangkon usab ni Moreno nga dunay mga higayon nga naghinobra na ang mga magbabalaod paggamit sa ilang gahom nga puwede pugngan sa korte suprema.
