CAGAYAN DE ORO CITY, Philippines – Nagsumiter sa bag-ong petisyon sa Office of the Ombudsman sila Davao del Norte 1st District Rep. Pantaleon Alvarez ug ang grupong Citizens Crime Watch aron pahamtangan sa preventive suspension sila House Speaker Ferdinand Martin Romualdez, Majority Leader Mannix Dalipe, Rep. Zaldy Co ug Rep. Stella Quimbo.
Sa wala pa ang petisyon, gisang-at una sa grupo ang 12 ka ihap sa sa kasong falsification of legislative documents batok sa nasampit nga mga House officials tungod sa kontrobersyal, kalit ug sekretong insertions sa pondo nga mubalor sa 241-billion pesos ubos sa giratipikahan nga 2025 national budget.
Namugos ang mga petitioners nga kinahanglan masuspenso ang mga maong opisyal aron dili ma-impluwensiyahan ang ilusad nga pag-imbestigar sa kaso.
Miingon si Alvarez nga bug-at ang isyu nga gikalambigitan sa upat ka magbabalaod kay napamatud-an nga nalapas nila ang balaod isip public servant sama sa dishonesty, oppression, ug grave misconduct
