CAGAYAN DE ORO CITY – Dayon ang pag-demolis sa gatusang mga balay nga alang sa militar ilegal nag-okupar sa duha ka lote nga sulod sa military reservation diin nakabase ang 4th ID headquarters, Camp Edilberto Evangelista,Brgy Patag ning syudad.
Kini bisan nga nakaung-ong ang giduso nga urgent motion to quash petition sa pikas land claimants sa sala ni RTC Branch 17 Judge Ana Casiño nga naglugwa usab sa writ of demolition sa maong lugar.
Namahayag si 4th ID spokeperson Lt Col Francisco Garello Jr nga walay bisan unsa nga bag-ong komunikasyon nga gilugwa ang korte epekto sa hangyo nga isibog ang demolasyon rason nagtoo sila nga ipadayon kini sunod semana.
Una nang nasibog ang demolition order ning bulana gikan sa miaging Abril ning tuiga kay nagtungha pa ang mga bata.
Apan siya miingon nga hangtod nga walay bag-ong mando ang korte kabahin sa demolasyon,ipatuman na kini sa petsa 18 ning bulana.
Hisayrang 11 ka tuig na nga gihataga’g lugway sa Philippine Army ang pikas grupo sukad nalugwa ang mand sa korte suprema tuig 2013 rason nga higayon na nga ipatuman na ang kamanduan.
