Gikompirmar sa militanteng pundok sa Houthi sa Yemen, nga sila ang mibombardiyo sa Ben Gurion Airport sa Israel. Gamit ang “hypersonic ballistic missile” milampos ang mga militante sa pag-igo sa tugpahanan.
Unom ka tawo ang samaran human miigo ang missile dool sa Terminal 3 sa tugpanahanan. Hinoon, wala maintimano ang runway sa tugpahanan apan, naigo ang ilang access road.
Temporaryong gisuspenso ang mga biyahe sa daghang international nga airline.
Unang namahayag ang Houthi nga napamatud-an nilang huyang ang gipasigarbo nga advanced missile defense systems sa Israel ug U.S., sama sa Arrow ug THAAD.
Gibutyag sa militanteng pundok nga ang ilang pag-atake maoy ilang pagsimpatiya sa daghang Palestino nga namatay sa Gaza gikan sa managlahing airstrike nga gilusad sa Israel Defese Force (IDF).
