CAGAYAN DE ORO CITY-Ablihan sa mga representante sa House of Representatives Electoral Tribunal o HRET ang 206 ka ballot boxes nga gi- protestahan ni kanhi Kag Candy Darimbang diha sa treasurer’s office sa syudad karong buntag.
Kini may kalabutan sa election protest ni Darimbang batok sa kadaugan ni Cong Rolando ‘Klarex’ Uy sa miaging 2016 elections sa syudad.
Gibutyag ni City Election Officer Atty Ramil Acol nga saksihan sa mga abogado ni Darimbang ug Uy ang himoon sa HRET.
Gitakda usab kuhaon sa HRET ang rekord sa City Comelec aron dungan dad-on sa 206 ballot boxes padulong sa kauluhan ning semanaha.
