Gusto ni Cagayan de Oro 2nd District Representative Rufus Rodriguez nga imbitaron sa sunod hearing sa House Committee on Justice ang tanan legal counsel ni Vice President Sara Duterte human ilang gikuwestiyon ang hurisdiksyon sa komitiba ni Congressman Gerville Luistro kalabot sa pagkolekta sa mga ebidensya sa impeachment complaint batok sa bise presidente.
Namugos si Rodriguez nga sayop ang interpretasyon ug alegasyon sa Fortun, Narvasa & Salazar Law Office kalabot sa pamaagi sa nga gigamit sa komite sa pagdungog sa reklamo.
Gitataw ni Rodriguez nga kinahanglan tubagon sa mga abogado ni VP Sara ang ilang akusasyon kay dakung insulto kini sa komitiba nga naghatag sa “due process” sa reklamo nga gipasaka batok sa bise presidente.
