CAGAYAN DE ORO CITY – Walay nakit-an nga foul play ang kapolisan sa kamatayon sa 50 anyos nga lalaki nga napalgan sa open culvert sa Sitio Langag,Brgy Dansolihon sa syudad.
Giila ni Police Staff Sgt Francis Mariana sa Lumbia Police Station ang biktima nga si Gregorio Rivera,kanhi may kapikas ug walay trabaho nga nagpuyo sa maong brgy.
Gibutyag ni Mariana nga subay sa ilang pagduki-duki nga unang nakig-inom ang biktima ug naglingkod-lingkod sa ibabaw sa culvert apan wala damha nga kalit kining nahulog.
Gisuyot pa gihapon sa kapolisan nga ipaubos sa otopsiya ang patay’ng lawas sa biktima aron mawagtang ang bisan unsa nga pagduda.
