CAGAYAN DE ORO CITY-Nangayo’g hustisya ang pamilya sa usa ka residente nga nabanggaan-patay sa naghaguros nga motorsiklo diha sa Brgy Binitinan,Balingasag,Misamis Oriental.
Kini human wala na masalbar sa doktor ang kinabuhi sa biktima nga si Roger Virtudazo,51 anyos,may kaipon tungod sa bun-og sa ulo dihang nahitabo ang aksidente.
Gibutyag sa amahan niini nga si Bonifacio Virtudazo nga igo lamang gipapalit niya’g ginamos ang biktima apan pag-uli,naligsan sa motorsiklo.
Gidali nila pagdala sa ospital sa Balingasag apan gi-rekomendar nga ibalhin sa Northern Mindanao Medical Center diin nabugtuan sa kinabuhi kagahapon sa hapon.
