CAGAYAN DE ORO CITY (update) – Pakyas nang makatambung sa bunyag sa iyang anak ang usa ka suspek human namatay sa pagmaoy ug midunggab sa usa ka pulis didto sa Purok-4, Brgy. Darumawang, Ilaya, Lala, Lanao del Norte.
Sa interbyu sa Bombo Radyo kang Police Major Jonan Banas, iyang giila ang suspek nga si Rico Montalban 53 anyos, usa ka mag-uuma ug residente sa maong dapit.
Gisaysay ni Major Banas nga napusilan ang suspek samtang gi-aparta sa ilang silingan nga pulis nga si Patrolman Francis Barason 33 anyos nga naka-destino sa Sapang Dalaga Municipal Police Station.
Gilayong mitahan sa Lala Municipal Police Station si Barason human niya angkona nga napusilan niya ang suspek kay gisulayan siya’g dunggab sa taas nga bolo samtang kini nagmaoy sa kahubog.
Narekober sa crime scene ang mga empty shell sa 9mm pistol ug ang bolo nga gigamit sa suspek sa pagdunggab sa mi-aparta nga pulis.
