CAGAYAN DE ORO CITY, Philippines – Direktiba ni Presidente Ferdinand Marcos Jr ang hugot nga monitoring sa Bulkang Taal sa probinsya sa Batangas.
Miingon ang presidente nga gipalihok na sa gobyerno ang tanan hingtundang ahensya nga maoy magmonitor ug magmobilize sa mga tawo oras nga musamot sa pag-alburuto ang bulkan.
Gipaniguro sa presidente nga walay kinabuhi nga makalas ug walay residente nga mabutang sa peligro ang kinabuhi tungod sa subling pag-aktibo sa Taal.
Usa sa gipangandaman sa gobyerno ang evacuation sites, posibleng epekto sa ashfall sa sektor sa agrikultura, epekto sa panginabuhi sa mga mag-uuma nga namuyo duol sa bulkan, lakip na ang panglawas sa mga bata ug katigulangan nga mulanghab sa asupre.
