Hugot ang pagpasidaan ni Bulua Police Station Commander, Police Major Rutherford T. Ondin, sa mga kabatan-onan nga nagtuo nga dili sila mapriso tungod kay mga menor de edad pa sila.
Sa iyang interbyu sa Bombo Radtyo giklaro niya nga samtang ibutang una ang mga menor de edad sa angay nga pasilidad sa pagsugod, pag-abot nila sa ilang legal age kay ibalhin gihapon sila sa Lumbia City Jail kon makahimo og seryosong salaod.
Gawas pa niana, gipasidan-an usab niya nga dili makalusot sa kaso ang pagbuhat og mga binuang sama sa bomb threat, tungod kay hugot gyud nga pasakaan og tukmang kaso ang mapamatud-ang mabuhat niini.
Hinoon nag-tagbo usab ang mga principal, opisyal sa barangay, ug ang kapulisan aron masiguro ang kaluwasan sa mga kabataan sa maong lugar.
