CAGAYAN DE ORO CITY-Andam na ang kapolisan ug militar paghatag seguridad sa gilaumang 70-mil ka deboto nga molambigit sa traslacion ug prosesyon sa Itom nga Nazareno ning syudad sa Enero 9.
Kini nunot sa kapistahan sa Nazareno diin dagsaan sa mga deboto gikan sa nagkadaiyang bahin sa Visayas, Luzon ug Mindanao.
Miingon si Supt Roy de los Reyes,hepe sa operations branch sa Cagayan de Oro City Police Office o COCPO nga naghatag na sa dugang puwersa ang PNP-10 ingon man ang 4th ID, Philippine Army alang sa kalihukan.
Nasayran nga ibalhin ang replika gikan sa Sr Jesus Nazareno Parish padulong sa San Agustin Cathedral sa petsa 8 sa Enero alang sa vigil ug ilusad ang parada adlaw’ng Martes kadlawon palibot sa syudad.
