Hugyaw ang selebrasyon sa Espanya human giilog sa ilang pambato nga team ang korona isip kampiyon batok sa Argentina sa bag-ohay pa lang natapos nga FIFA World Cup 2026.
Matod pa sa Bombo International news correspondent sa Espanya nga si Angel Reyes, labihang lipaya sa mga lumulupyo sa ilang dapit tungod kay gisubay-bayan gyud nila kini pag-ayo gikan pa sa semi-finals.
Dugang pa niya, nagbaha ang mga tawo sa ilang mga kadalanan, daghan ang namalit og mga fan t-shirt, ug nagtapok sa mga restawran aron lang masaksihan sa dagkong mga screen ang kulbahinam nga kasaysayan.
Busa sa kadugayon sa ilang paghulat, hingpit na gyud nga namawi ang mga fans sa ilang dakong pagsalig sa maong koponan.
