Dayag ug mabati na sa dakbayan ang pagkabisyu ug ang huot nga dagan sa trapiko tungod sa pagdagsang sa mga sakyanan, delivery trucks, ug mga bisita sa mga mall karong Ber Months.
Gipahayag ni RTA Head Doy Ramiro nga nakig-alayon na ang buhatan sa mga nasyonal nga ahensya aron mapatuman ang mga pamaagi nga makapahapsay sa biyahe sa syudad.
Gawas niini, gipasiguro sa pamunoan nga buhaton sa mga enforcers ang responsibilidad aron mapanalipdan ang kaayohan ug kasayon sa mga sumasakay ug komprador.
Tungod niini, gitin-aw sa opisyal nga dili magpanuko ang RTA sa pagpahamtang og silot batok sa mga personahe o drayber nga magpasaway ug mulapas sa balaod sa dalan.
