CAGAYAN DE ORO CITY-Gikonsiderar sa pamilyang Fernandez nga katumanan na sa pagkab-ot nila sa hinay-hinay sa hustisya ang pagbasura sa korte sa petition for bail nga gisang-at sa grupo ni detained Sr/Insp Erenio Ramirez.
Kini human tuyo sa kampo ni Ramirez nga makapiyansa samtang atubangon ang kasong kidnapping ug carnapping tungod sa pagkawala sa negosyanteng si Enrique ‘Eking’ Fernandez III ning syudad sa miaging tuig 2016.
Miingon ang amahan ni Fernandez nga si Enrique Fernandez Jr nga tungod niini, gitakda na sa korte ang pagdungog sa case trial sa Mayo ning tuiga.
Nasayran nga ang grupo ni Ramirez ang nakuhaa’g CCTV footage nga pugsanong gipasakay sa sakyanan si Fernandez ug wala na makita hangtod ning panahona.
