Hustisya ang gipaninggit sa pamilyang Rotoras human gi-ambush sa mismong tugkaran sa ilang balay si Dr Ricardo Rotoras sa wala pa ilhing mga gunmen sa Upper Carmen ning syudad, kagahapon sa kadlawon.
Sa pakighinabi sa Bombo Radyo kang Eldie Rotoras, igsoon ni USTP ug PASUC President Dr. Rotoras”, iyang gibutyag nga nauyunan sa ilang kabanay nga ipa-ubos sa otopsiya ang patay’ng lawas sa ilang amahan.
Masaligon ang nasampit nga pamilya nga madakpan na ang gunman ug ang mastermind sa krimen sa musunod nga mga adlaw subay sa gihimong pagpaningkamot sa namugna sa Special Investigation Task Group kon SITG sa COCPO.
Samtang gitin-aw ni Eldie Rotoras nga kanunay malakip sa ilang hisgutanan, kauban sa iyang igsoon nga si Dr Ricardo Rotoras, ang mga tawong mibati siya sa tumang kasuko ug naglagot kaniya.
Kini ang rason nga nakamugna silag mga POI kon person’s of Interest.
Nagtuo si Eldie nga walay laing mubahad sa kinabuhi sa iyang igsoon kun dili ang mga mga nailang kabangi niini sa trabaho.
Hinoon, taliwala pa man sa daghang death threats nga nadawat sa iyang igsoon, wala kono panumbalinga niini ang pagkuha sa iyang personal body guard, bisan paman nga may katungod maghire niini alang sa iyang kaugalingong seguridad.
