CAGAYAN DE ORO CITY – Gihangad na lang sa pamilya Pagaling sa kahitas-an ang pagkab-ot sa hustisya sa sakit nga kamatayon sa ilang inahan nga namatay epekto sa kadanghag sa menor de edad nga drayber sa Opol,Misamis Oriental.
Kini tungod kay kumbinsido ang medical doctor nga si Jude Rey Pagaling nga wala sila’y makuhang hustisya alang sa ilang inahan nga si Engr Emilyn Pagaling.
Siya miingon nga pugsanon nila nga gidawat ang kamatuoran nga wala na ang ilang inahan tungod sa aksidente.
Hisayrang na-konsensiya si Pagaling kay sa iyang pagka-doktor,wala niya maluwas ang inahan niini sa kamatayon niadtong Nobyembre 20.
