“It’s a matter of attitude” ang giingon ni Stella Ferrarez, usa ka mental health advocate, sa pag-atubang sa krisis aron malikayan ang grabeng epekto niini sa mental health sa usa ka tawo.
Sa iyang interbyu sa Bombo Radyo, iyang gibutyag nga adunay gihimo ang gobyerno sama sa paghatag og ayuda, subsidy ug ubang suporta aron makatabang sa katawhan, bisan limitado ang kapasidad niini.
Apan matod niya, ang dakong hagit karon mao kung unsaon sa mga Pilipino pag-atubang sa kalisod, ilabina sa pagsaka sa presyo sa mga palaliton ug gasolina nga nagdala og stress sa adlaw-adlaw nga kinabuhi.
Giingon usab ni Ferrarez nga ang mga kausaban sa palibot ug ekonomiya maoy usa sa hinungdan sa stress, busa importante ang pag-adjust ug pagdawat sa sitwasyon.
Para kaniya, pinaagi sa positibong panan-aw ug padayon nga paningkamot, posible nga mapagaan ang epekto sa krisis sa mental health sa matag indibidwal.
