CAGAYAN DE ORO CITY-Kasuhan sa pamilyang Jamaca ang huwes ug piskalya nga naghawid sa Jamaca-Yabut murder case nga ubos sa sala ni RTC Branch 23 Judge Vincent Rosales ning syudad.
Kini human gibasura ni Rosales ang apelar sa govt prosecutor nga mahatagan sa konsiderasyon ang murder case batok kanila ni kanhi Sr/Insp Charles Ludweg Espera ug former Insp Arnel Gighe.
Miingon si retired SPO4 Rolando Jamaca nga hinoon makaapelar pa sila sa Court of Appeals o CA apan dugay pa kini nga proseso.
Una nang nagduda si Jamaca nga dunay tinunto nga nahitabo diin unang gipa-piyansa kaniadto ang mga akusado ug hingpit pagbasura sa kaso ning tuiga.
Sila si Gighe ug Espera ang mga akusado sa pagpatay kang Maria Erica Yabut ug survivor nga si Jim Jamaca nga ubos sa witness protection program sa gobyerno.
