CAGAYAN DE ORO CITY-Gi-recall na sa 4th ID,Philippine Army ang mga basi-militar nga huyang ang puwersa nga nahimutang sa nagkadaiyang lugar sa Northern Mindanao ug Caraga Regions.
Gihimo ni 4th ID commanding officer Maj Gen Ronald Villlanueva ang lakang aron dili masubli ang pag-okupar sa rebeldeng New People’s Army o NPA sa detachment diin duha ka sundalo ug 12 ka Cafgu members ang nadagit sa New Tubigon,Sibagat,Agusan del Sur.
Miingon si Villanueva nga gilimatahan usab niini ang pagbakasyon sa mga sundalo sa pagsiguro nga kanunay’ng mabantayan ang seguridad nga hasi-on sa CPP-NPA combatants.
Nasayran nga alerto usab sila tungod sa ika-50 ka tuig nga anibersaryo sa CPP ugmang adlawa.
