CAGAYAN DE ORO CITY – Nabalhog sa bilangguan ang high value individual nga nadakpan sa hiniusang puwers sa kapolisan sa Purok 2,Brgy Bangbang,Kalilangan,Bukidnon.
Namahayag si Bukidnon Police Provincial Office Director Col. Jovit Culaway nga maoy nadakpan sa mga operatiba sa Kalilangan Police Station ug tropa sa 1004th Manuever Company sa Regional Mobile Force Batallion 10 si alyas Ayan,32 anyos,ulitawo ug nagpuyo sa Malaybalay City,Bukidnon.
Nakompiskar gikan sa dinakpan sa maong operasyon ang 190 gramos sa gitoohang shabu nga adunay P1.2 million nga street value ingo man ang ubang drug paraphernalia.
Tungod niini,gimando ni Culaway nga siguraduhon nga lig-on ang pagkaduso sa kaso batok sa dinakpan kinsa unang higayon nga nadakpan batok sa pagpakaylap sa ilegal nga droga sa lugar.
